If you would like more information contact
Rhian Powell on 01685 877183
or e-mail rhianpowell@menteriaith.org

BRO OGWR         CAERDYDD         CAERFFILI      RHONDDA CYNON TAF

Offer Cyfieithu Is-Goch

Mae’r bocs glas yn cynnwys:-

20 o glustffonau, 1 meicroffon, 1 trosglwyddydd is-goch, 1 addasydd trydan, 1 estyniad cebl, 1 addasydd trydan i ail-drydanu’r offer.

Hefyd:-        Bag du yn cynnwys 1 stondin

Sut y mae’r offer yn gweithio

Sylwer: Awgrymir yn gryf eich bod yn profi’r offer cyn i chi ddechrau’r cyfieithu, yna, os oes problem, gellwch gysylltu â Menter Iaith ar 01685 877183 er mwyn ei datrys mewn da bryd.

• Gosodwch y stondin drwy agor y tair coes a chodwch y golofn rhyw 2" i wneud lle i’r pen is-goch.

• Gosodwch y pen is-goch ar ben y stondin drwy ddatod y sgriw a’i ail glymu gan sicrhau fod y pen is-goch yn wynebu’r gynulleidfa.

• Cysylltwch y plwg 4 twll i waelod y pen is-goch a’r ochr arall i’r estyniad cebl. Wedyn cysylltwch yr estyniad cebl i’r soced drydan a’i droi ymlaen. Dylai goleuadau gwyrdd ymddangos ar y pen is-goch.

• Gosodwch batri 9V i waelod y meicroffon (argymhellir eich bod yn defnyddio batri Duracell) gan sicrhau fod y "+" ar y batri yn cyfateb i’r "+" y tu mewn i’r clawr.

            Sylwer: Nid yw Mentrau Morgannwg Gwent yn darparu’r batri 9V ac ni       ddylid defnyddio batri sydd efallai yn y bocs yn barod.

• Gwasgwch y botwm bach ar waelod y meicroffon a dylai’r golau coch ymddangos arno. Dylai’r côd 863.100 ymddangos ar sgrîn y meicroffon. Peidiwch â newid y côd hwn.

• Gwthiwch swîts ‘on/off’ y meicroffon i lan er mwyn troi’r meicroffon ymlaen.

            Dylech wthio’r swîts i lawr er mwyn troi’r meicroffon i ffwrdd e.e. i besychu.

• I droi’r meicroffon i ffwrdd gwasgwch y botwm bach ar y gwaelod nes bod y golau coch yn diflannu.

         Dylech wedyn dynnu’r batri o’r meicroffon.

• Mae’r clustffonau yn gweithio trwy droi’r olwyn ar y gwaelod i rif sydd yn addas ar gyfer y gwrandäwr.

Dylai’r offer fod wedi’i siarsio yn barod erbyn i chi ei dderbyn ond, os nad oedd cyfle i wneud hyn, dylech siarsio’r offer yn y bocs gan ddefnyddio’r addasydd trydan amgaeëdig am 2 awr y bocs.