Cymraeg English 
|
Newyddion
|
Newyddion
Cyfarfod Dwyieithog Interlink Cynhaliodd Interlink gyflwyniad ar waith rhaglen Gwirfoddolwyr y Mileniwm yng Nghanolfan Dysgu Gydol Oes Garth Olwg ar 16eg Tachwedd 2006. Er mwyn cadw naws dwyieithog y ganolfan gofynnwyd i Rhian Powell, Cyfieithydd Cymunedol Mentrau Morgannwg Gwent ddarparu gwasanaeth cyfieithu ar y pryd i’r rhyw 70 o bobl a oedd yn bresennol. Meddai Bev Hampson, Interlink a threfnydd y digwyddiad ‘the excellent translation service enabled contributions in Welsh in line with the ethos of a bilingual centre’.
|
|
CYFIEITHIADAU YN RHAD AC AM DDIM!* Ydych chi’n aelod o fudiad gwirfoddol neu grŵp cymunedol? Hoffech chi ddefnyddio gwasanaeth cyfieithu ond yn poeni am y gost? Cysylltwch â Rhian Powell, Cyfieithydd Cymunedol Mentrau Morgannwg Gwent i weld sut y gellwch chi dderbyn hyd at 500 gair wedi’u cyfieithu yn rhad ac am ddim! Meddai Rhian Powell ‘Nod y cynllun hwn yw hyrwyddo defnydd y Gymraeg gan grwpiau sydd naill ai heb ystyried cyfieithu eu deunydd i’r Gymraeg neu sydd eisiau cyfieithu eu deunydd ond wedi ystyried y gost yn rhwystr mawr rhag ei wneud’. Am ragor o wybodaeth ar sut y gall y cynllun hwn fod o fudd i chi cysylltwch â Rhian Powell ar |
CARIAD @ GYFIEITHU Ers mis Medi 2004, y mae Rhian Powell, Cyfieithydd Cymunedol Menter Iaith wedi dangos ei chariad at gyfieithu Cymraeg / Saesneg. Y mae ei gwasanaeth cyfieithu ar bapur a chyfieithu ar y pryd cyflym, cywir a dibynadwy yn boblogaidd dros ben gyda sefydliadau yn y sector cyhoeddus, y sector preifat a’r sector gwirfoddol. |
Lansio Llyfr Newydd Yng ngŵyl Parti Ponty 2006 lansiwyd cyfieithiad llyfr ‘Diwrnod Caled Bymbl’ gan awdur lleol Aeron Elias. Y mae’r llyfr yn rhan o gyfres a bydd Rhian yn dechrau gweithio ar gyfieithu’r llyfr nesaf yn y dyfodol agos.
|
 |
Gleision Caerdydd yn Gweithredu’n Ddwyieithog
Ers dechrau’r tymor rygbi newydd y mae newid yng nghynnwys rhaglen Gleision Caerdydd. O ganlyniad i bartneriaeth rhwng y Gleision ac Uned Gyfieithu Mentrau Iaith Morgannwg Gwent y mae tudalen Gymraeg yn ymddangos ym mhob rhifyn. Dywedodd Gwydion Griffiths, Swyddog Marchnata Gleision Caerdydd ‘Y mae Gleision Caerdydd wedi mwynhau partneriaeth waith wych â Menter Iaith ers i’r cynllun gael ei lansio ar ddechrau’r tymor 2006/07. Y mae’r cyfieithiadau bob tro yn cael eu dychwelyd mewn da bryd ac o’r safon uchaf. Y mae’r gwasanaeth hwn yn galluogi ein cefnogwyr ledled y rhanbarth i ddarllen am y tîm naill ai drwy gyfrwng y Gymraeg neu’r Saesneg ac y mae wedi bod yn boblogaidd iawn gyda’r cefnogwyr – yn enwedig y rhai ifainc’. Ychwanegodd Rhian Powell, Cyfieithydd Cymunedol Mentrau Morgannwg Gwent ‘Y mae’n dda gweld bod sefydliadau sydd wedi arfer ar weithio’n uniaith Saesneg yn awr yn sylweddoli pa mor fuddiol ydyw i weithio’n ddwyieithog a gobeithiaf y bydd y bartneriaeth hon yn parhau i fynd o nerth i nerth a bydd rhagor o sefydliadau yn yr ardal yn dilyn esiampl Gleision Caerdydd’. Bydd lansiad swyddogol y dudalen Gymraeg gyda chwaraewyr y Gleision yn digwydd yn y dyfodol agos.
|
|
Urddo’r Cyfieithydd Cymunedol i Orsedd Beirdd Ynys Prydain Cafodd Rhian Powell, Cyfieithydd Cymunedol Mentrau Morgannwg Gwent ei hurddo i Wisg Las Gorsedd Beirdd Ynys Prydain yn ystod Eisteddfod Genedlaethol Abertawe a’r Cylch 2006. Dywedodd Rhian ‘Yr oedd yn hynod o fraint imi gael fy nerbyn i’r Orsedd ac yr oedd yr achlysur hyd yn oed yn fwy arbennig am mai yn Abertawe y gynhaliwyd y seremoni wedi imi dreulio pedair blynedd yn astudio tuag at radd yn y Gymraeg ym Mhrifysgol Cymru Abertawe’. Enw gorsedd Rhian fydd ‘Ceri’r Waun Hir’ (Ceri yw ei henw canol ac y mae’n hanu o Hirwaun, Cwm Cynon).
|
|
